Дорогие братья и сестры!
Просим ваших святых молитв о заболевших клириках и причетниках нашего храма. Выявлен у них новый вирус, или нет — им сейчас тяжело и они нуждаются в поддержке.
Владыко, Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя человеков скорби исправляяй, молимся Тебе, Боже наш, раб Твоих: протодиакона Димитрия, Сергия и Евгения, немоществующих посети милостию Твоею, прости им всякое согрешение вольное и невольное. Ей, Господи, врачебную Твою силу с небесе низпосли, прикоснися телесам, угаси огневицу, укроти страсть и всякую немощь таящуюся, буди врач рабом Твоим: протодиакону Димитрию, Сергию и Евгению, воздвигни их от одра болезненнаго и от ложа озлобления целых и всесовершенных, даруй их Церкви Твоей благоугождающих и творящих волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
О, Премилосердый Боже, Отче, Сыне и Святый Душе, в нераздельной Троице поклоняемый и славимый, призри благоутробно на раба Твоего протодиакона Димитрия, Сергия и Евгения, болезнею одержимых; отпусти им вся согрешения им; подай им исцеление от болезни; возрати им здравие и силы телесныя; подай им долгоденственное и благоденственное житие, мирные Твои и примирные благая, дабы приносили они вкупе с нами благодарственные мольбы Тебе, Всещедрому Богу и Создателю нашему. Аминь.